naturgas

2012/07/26

Naturgas Energíak 56 milioi euro irabazi zituen 2012ko lehen seihilekoan

• Negozioen kopurua %17 igo zen, 875 milioi eurotaraino, lehengaiaren nazioarteko salneurriaren gehikuntzaren eraginez nagusiki
• EBITDA %22 jaitsi zen, eta 82 milioi euroetara heldu zen, gasaren merkaturatzearen marjina gutxiagotu egin zelako batez ere. Fakturazio eta EBITDAren aipatu kopuruetan ez dira sartzen 11,7 eta 15,2 milioi euro, hurrenez hurren, gasaren garraio aktibitatea Etendako Operazio gisa sailkatu baita, Naturgas Energía Transporte saltzeko berriki egindako akordioa dela eta
• Taldeak 18,1 milioi euro inbertitu zituen seihilekoan, iaz baino %5,2 gehiago, Euskadin egindako inbertsio handiagoengatik nagusiki, eta bere Plan Estrategikoan aurreikusitako inbertsioen atala bete zuen

Bilbo, 2012ko uztailak 26.- Naturgas Energía Grupo, S.A.-k 56 milioi eurotako mozkin garbia lortu zuen 2012ko lehen sei hilabetean, iragan urteko epe berean lortutakoa baino %17 gutxiago. Merkaturatze marjinaren gutxiagotzea izan da arrazoi nagusia.

875 milioi eurotara heldu zen negozio-kopurua, %17 gehikuntzarekin, lehengaiaren nazioarteko salneurriak izan zuen gorakadaren eraginez, salneurri unitarioak igo egin baitziren. EBITDA 82 milioi eurotakoa izan zen, %22 gutxiagoa, baina Plangintza Estrategikoaren aurreikuspenen ildoan, gas ustiapenen kostuen igoeraren eraginez batez ere.

(1) Gas-garraioaren aktibitatea kontuan hartu gabe, izan ere, nazioarteko kontabilitate araudia ezarriz, Etendako Operazio gisa sailkatu da.

Negozio-datuak

Merkatu askean, gas bezeroen zorroa %5 gutxitu zen, 765.950 bezeroetaraino, elektrizitatean berriz, %6 jaitsi ziren, 103.184 bezeroetaraino, lehia handitzearen eta krisialdiaren ondorioz. Dena den, Naturgas Energía lidergoan da eskaintza dualean –gasa eta elektrizitaea- Euskadin.

Araututako merkatuan, Naturgas Energíak bere gas banaketaren sarearen hedapenarekin jarraitu zuen, eta %1,4 handitu zituen bere hornikuntza puntuak hazkunde organikoaz, 1.001.116, milioi hornikuntza puntuak gaindituz. Banatutako edo garraiatutako energiaren bolumena igo egin zen, industri sektorearen eskaeraren gorakadarekin batera.

Egindako inbertsioak %5,2 igo ziren, eta 18,1 miloi euroetara heldu ziren, Euskadiko azpiegituretan eta populazio gune berrietan zentratu ziren batez ere, inbertsio planaren itxaropenak betez.

Gertaera nabarmenenak

Naturgas Energía Grupo, S.A.-k hile honetan bertan lortu du akordio bat Enagás eta EEErekin Garraioaren aktiboak 262,5 milioi eurotan saltzeko.

Lehen seihilekoan, Naturgas Energíak milioi hornikuntza puntuak lortu zituen uztailean Banaketa sareak dituen zortzi Autonomia Erkidegoetan, honi esker, finkatu egin da Espainiako merkatuko Banaketa bigarren operadore gisa, %14 kuotarekin gutxi gora behera.

Bere banaketa sarearen garapen esparruan, lehen sei hilabetean zehar, konpainiak amaitu egin zuen bost gunetako sareetan gasa jartzeko lanak: Granda-Logrezana-Tabaza, Niembro eta Villallana (Asturias), Torrepacheco (Murtzia) eta Santillana del Mar (Kantabria).

Honako lan hauek aribidean dira eta aurten amaitzea aurreikusi da: Masustegui (Euskadi), Fuente Álamo eta Calasparra (Murtzia), Villanueva de la Peña, Orejo eta Puente Viesgo (Kantabria) eta Ágreda (Gaztela eta Leon).

Naturgas Energía

Naturgas Energíak gasa eta elektrizitatea hornitzen dizkie enpresa eta partikularrei, eta bederatzi Erkidego Autonomoetan dago kokatuta bere azpiegitura propioekin: Asturias, Kantabria, Katalunia, Gaztela eta Lehoi Extremadura, Madril, Murtzia, Nafarroa eta Euskadi. Espainiako merkatuan gasaren bigarren banatzailea den Taldeak gasa eta elektrizitatea merkaturatzen ditu, eta hirugarren merkaturatzegilea da bezeroen kopuruari dagokionez.

Konpainia lidergoan dago Euskadi, Asturias, Kantabrian eta Murtzian eta bigarren operadorea da Euskadin. 1.561 milioi eurotako negozio-kopurua izan zuen 2011n eta 136 milioiko mozkin garbia, 9.600 kilometroetako banaketa sarea du eta EDP Taldearen HC Energían integratuta dago.